Lignan vedl

Nia ma lignan frësch ne n’öga da fà stües y ćiamenes. Inće lignan vedl po gnì reanuzé y arjigné ca tres danü por d’ater mobiliar. A lignan natural adorè bele n iade vara da ti dè vita nöia, insciö che al se mantëgn zënza fin. La stüa di neni, te chëra che al ê n iade gnü cuntè tan de stories, po gnì tuta en tòć, puzenada y metüda adöm indô danü, insciö che ara ne n’é nia plü da reconësce. Sciöche tla natöra insciö é le lëgn inće tl’architetöra y ti frabicać n elemënt che se lascia tres indô renovè.